Ndërtime pa leje në Mullet/ Gjykata shpall fajtorë 9 persona, konfiskohen 7 vila

Prokuroria e Tiranës njoftoi sot (5 Dhjetor) se janë konfiskuarr 7 vila të 9 personave të shpallur fajtorë nga Gjykata e Tiranës për “ndërtim të paligjshëm’ dhe ‘falsifikim të dokumenteve’.

Në përfundim të gjykimit, u vendos dënimi i të pandehurve dhe konfiskimi i 7 vilave të ndërtuara pa leje në ekonomi pyjore, nëpërmjet dokumeteve të falsfikuara. Dy prej të pandehurve të dënuar nga Gjykata e Tiranës janë arkitektë, kurse 7 të tjerët banorë dhe ndërtues apo përfitues të këtyre objekteve në mënyrë të paligjshme.

Hetimet po vijojnë në drejtim të veprimeve dhe mosverimeve të enteve publike, si dhe bashkpunëtorëve të mundshëm, për veprat penale të “falsifikimi i dokumentave” dhe “shpërdorimi i detyrës”.

“Me kërkesë të Prokurorisë pranë Gjykatës së Shkallës së Parë të Juridiksionit të përgjithshëm, Tiranë u shpallën fajtorë nëntë persona për veprën penale ‘ndërtim i paligjshëm’ dhe ‘falsifikim i dokumentevee’ parashikuar nga nenet 199/a dhe 186/3 të Kodit Penal”, thuhet në njoftimin zyrtar.

Hetimet kishin nisur prej vitit 2023 nga prokuroria e Tiranës.

“Në përfundim u konkludua se janë konsumuar elemetet e veprave në zonën e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që rezultoi se dokumetacioni tekniko-ligjor i përdorur pasqyronte të dhëna të rrëme, si dhe duke cenuar fondin pyjor, në juridiksion të Bashkisë Tiranë”, sqaron Prokuroria.

Të dënuarit janë:

1. Armand Prelezi, arkitekt, akuzuar për veprën penale “Falsifikim i dokumenteve”;

2. Klevis Bregu, arkitekt, akuzuar për veprën penale “Falsifikim i dokumenteve”;

3. Manush Teqja, akuzuar për veprën penale “Ndërtim i paligjshëm” dhe “Falsifikim i dokumenteve”;

4. Florian Zela, i akuzuar për veprën penale “Ndërtim i paligjshëm” dhe “Falsifikim i dokumenteve”;

5.Abaz Teqja, akuzuar për veprën penale “Ndërtim i paligjshëm” dhe “Falsifikim i dokumenteve”;

6.Mehmet Durishti, akuzuar për veprën penale “Ndërtim i paligjshëm” dhe “Falsifikim i dokumenteve”;

7.Tefta Visha, akuzuar për veprën penale “Ndërtim i paligjshëm” dhe “Falsifikim i dokumenteve”;

8.Dorina Dushku, akuzuar për veprën penale “Ndërtim i paligjshëm”; dhe

9.Arblin Harizi, akuzuar për veprën penale “Ndërtim i paligjshëm” dhe “Falsifikim i dokumenteve”