Ndërtimet pa leje/ Çuçi “përdor” të pastrehët: Taksojmë oligarkët që t’i ndihmojmë

Është shoqëruar me replika të forta, seanca në Kuvend midis deputetit demokrat Ervin Salianji dhe ministrit të Brendshëm, Bledi Çuçi.

Sipas deputetit Salianji sërish policia dhe qeveria po veprojnë me dy standarde, pasi për një çati pa leje një qytetar i thjeshtë përfundon në burg, por në rastin e oligarkut nuk ndodh kjo gjë.

Por për Ministrin e Brendshëm Bledi Çuçi, ky vendim i qeverisë shërben për mbledhje kapitali i cili më pas do të ndihmojë për strehimin e të pastrehëve.

Pjesë nga replikat:

Salianji: E njëjta gjë për dy standarde në zbatimin e ligjit z.ministër për ndërtimet e paligjshme. Nëse një qytetar në çdo cep të Republikës përfundon në burg për avlli, për çati, për dritare, se për shtëpi nuk bëhet fjalë e njëjta gjë duhet të ndodh dhe me ata që janë oligarkë.

Çuçi: Ju thoni tani që ata të taksohen 5%, ndërsa ne po u themi se ata po tatohen 120%. Si u pasurokan këta oligarkët që thoni ju kur ne i tatojmë me 120%. E para e bëjmë që të kemi sa më shumë kapital për të ndihmuar njerëzit e pastrehë.

Salianji: Nuk është e vërtetë, nuk po e bëni që të paguajnë para. Nëse 100 m katrorë ndërtim këtu përballë nesh, te një nga kullat e paligjshme shitet sot në treg me 500 mijë euro, 5 mijë euro metri katrorë, ai oligarku që e ka ndërtuar jo vetëm që ka shmangur taksat, pjesën e pronarit dhe për qeverinë do e marrë maksimale 2 mln lekë të vjetra, por ndërkohë ka shmangur burgun se duhet të përfundonte në burg. Kujt po ia thoni këtë dolëm ne po prishim ndërtimet e paligjshme. Thoni se kjo është deviza jonë, do bashkëpunojmë me oligarkët, me këta që paguajnë para, këta të tjerët le të ikin me gomone në Angli dhe kjo është më e ndershme. Ka dy standarde në zbatimin e ligjit në këtë vend, po ia kërkoj ministrit të brendshëm që e ka në varësi. E njëjta strukturë që varet nga ju ka pasur kallëzime penale.

a