Vitin që vjen Komiteti i Përhershëm i Konventës së Bernës do të dërgojë një komision të posaçëm në terren për të vlerësuar situatës në lidhje me punimet në Aeroportin Ndërkombëtar të Vlorës. Kjo vjen për shkak të denoncimeve të shumta nga ekspertët e mjedisit se nga këto punime preket zona e mbrojtur “Vjosë-Nartë”. Ekspertët thonë se ndërmarrja e këtij misioni në një kohë kaq të shkurtër tregon shqetësimin e thellë që ka kjo konventë, në lidhje me ndërtimin e kësaj vepre aeroportuale. Ndërsa theksojnë më tutje se, kontrolle dhe ekspertiza të tilla në terren duhej të ishin bërë që në momentin që u bë plani për aeroportin.
Madje, kjo nuk është hera e parë që Komiteti i Përhershëm shpreh shqetësimin e thellë në lidhje me planet për urbanizimin e Zonës së Mbrojtur Vjosë-Nartë, teksa paralelisht në fokusin e mbledhjes së fundit kanë qenë edhe 2 çështje të tjera mjedisore.
Kujtojmë se, punimet për ndërtimin e Aeroportit të Vlorës nisën në datën 28 nëntor, pavarësisht kundërshtimeve të shumta nga organizatat kombëtare dhe ndërkombëtare për shkak të vlerave të larta natyrore që ka zona e mbrojtur Vjosë-Nartë.
Discussion about this post