Gjatë punimeve për ndërtimin e bypassit të Apolonisë janë zbuluar gjurmët për një varreze masive antike. Varreza ndodhet jashtë murit rrethues të qytetit të lashtë. Sipas arkeologëve varreza masive i përket periudhës romake, shk.1 pas Krishtit.
Të kontaktuar, arkeologët që po punojnë në këtë zonë nuk kanë preferuar të japin detaje në lidhje me ecurinë e gërmimeve por nga ana tjetër banorë të zonës kanë konfirmuar që gërmimet janë ndëprerë që në 11 maj që nga nisja e ndërtimit të bypassit të Apollonisë.
Gjatë gërmimeve është zbuluar shtrati e një lumi i periudhës helenistike, një varr dhe një ndërtesë banimi e periudhës romake. Në këtë pjesë ndodhet dhe një furrë e periudhës së antikitetit të vonë, me gurë nga qytetit antik i Apolonisë që i përket viteve 400-500 pas Krishtit.
