Partia Demokratike ka përgënjeshtruar lajmet e shpërndara në media, lidhur me projektin për ndërtimin e një objekti në zonën ku ndodhet selia blu. Në reagimin zyrtar thuhet se këto lajme janë tenativë e ish-kryeministrit Berisha për të hequr vëmendjen nga dhuna e protestës së 8 janarit.
“Për të hequr vëmendjen nga dhuna që Sali Berisha dhe banda e tij ushtruan me 8 janar, ai ka shpërndarë një gënjeshtër alla Sali gjate ditës së sotme. Kjo është vetëm një gënjeshtër e re, mashtrimi i rradhës i Sali Berishës”, shkruhet në njoftim.
Partia Demokratike është shprehur se trualli ku ndodhet godina është pronë publike që nuk mund të privatizohet dhe as përdoret për pastrim parash.
“Sqarojmë gjithë opinionin publik se selia e Partisë Demokratike është pronë publike. Ajo është shtëpia e demokratëve, nuk është bunkeri i Sali Berishës e aq më pak hapësira e pastrimit të parave të ortakeve të tij”, shkruan PD.
Discussion about this post