Në hyrje të Parkut Kombëtar “Bredhi i Hotovës”, në Përmet ka nisur ndërtimi i një landfilli për përpunimin e plehrave. Landfilli është vendosur të ndërtohet në dalje të fshatit Piskovë, në rrugën që të çon jo vetëm në “Bredhin e Hotovës”, por edhe në Teqenë e Alipostivanit, e cila është ndër më të famshmet në Shqipëri dhe vizitohet çdo fundjavë nga mijëra njerëz të ardhur nga qytete dhe vende të ndryshme.
Ky projekt dëmton zonat turistike por është edhe një problem i madh për qytetarët atje. Prandaj, prej 3 ditësh banorët e fshatit kanë vazhduar protestën Mësohet se banorët nuk e duan ndërtimin e një filiali për depozitim të mbeturinave në fshatin e tyre pasi, sipas tyre kjo gjë dëmton rëndë tokat e fshatit.
Me pankarta në duar, banorët janë shprehur se fillimisht për marrjen e vendimit për ndërtimin e landfillit duhet që të bëhej një dëgjesë publike së bashku me banorët e fshatit. Ata kanë shtuar se autoritetet duhet që të marrin hapat e duhur për të anuluar ndërtimin e tij. Kjo është hera e tretë që banorët e fshatit dalin në protestë në lidhje me ndërtimin e një vend depozitimi për hedhjen e mbeturinave.
Discussion about this post