Kryeministri Edi Rama së bashku me ministra dhe deputetët socialistë, kanë qenë sot në Divjakë, ku ka nisur ndërtimi i Parkut Fotovoltaik të Karavastasë, që sipas qeverisë do të jetë parku më i madh i energjisë diellore në rajon, me kapacitet 140 MGË në një sipërfaqe 120 hektarë.
Në fjalën e tij në këtë ceremoni, Rama nuk i kurseu ironitë në distancë për deputetin socialist Erion Braçen duke thënë se tani i mbaron tensioni, ndërsa tha fjalët më të mira për ministren Belinda Balluku.
“Meqenëse kemi marrë së fundi shumë ankesa për vonesa, situata e aGJendës së fluturimeve është në një situatë të rëndë. Më vjen shumë mirë që jemi sot këtu pas një pune të gjatë parapërgatitore, për të hyrë në fazën përfundimtare, që është faza e ndërtimit të parkut më të madh me energji diellore në Ballkan. Më vjen shumë mirë që dje për rastësi kemi folur me presidentin francez për investimin e Voltalia-s në Shqipëri, më vjen shumë mirë që këtu mbaron i gjithë tensioni i Erion Braçes për realizimin e kësaj vepre. Meriton të gjithë falenderimet për këmbënguljen dhe ndihmën që ka dhënë së bashku me autoritetet lokale, në lehtësimin e këtij procesi. Edhe pse ka bërë thjesht detyrën Belinda meriton një vlerësim të posatshëm, pasi procesi ka qenë sfidues, dhe një histori suksesi duke nisur nga çmimi”, u shpreh Rama, ndërkohë që për ministren nuk munguan as duartrokitjet e të pranishmëve.
Discussion about this post