Një banor i Irkutsk, Vladimir Tomilov, krijoi një anije të vërtetë “Viking” në oborrin e tij. Para se të niste një udhëtim të gjatë nëpër liqenin Baikal, Vladimiri testoi anijen në lumin e Angarasë.
Gjatësia e anijes është 13 m, ndërsa gjerësia është 4 m. U deshën rreth 200 mijë rubla dhe 3.5 vjet për ta ndërtuar. Vizatimet sipas të cilave u krijua anija, Vladimiri i mori nga interneti, ku përfshihet edhe stili skandinav. Si duket, pjesë e inspirimit për krijuesin e anijes “Raven”, ka qenë edhe flamuri shqiptar, ngjyrat e të cilit mund të dallohen qartazi nga ngjyrat e tjera jo dhe aq të ndezura të anijes.
Pronari i varkës nisi ta vendoste në përdorim anijen këtë sezon, për ta mësuar sesi ta përdorë atë.
Vitin tjetër ai planifikon të shkojë në një udhëtim të madh në Liqenin Baikal. Deri më tani Vladimir po mbledh një ekip për ata që guxojnë të bëjnë një shëtitje me të dhe për të gjithë të apasionuarit e aventurave.
