Ndërtoi kotecin pa leje, jepet vendimi për 82-vjeçaren nga Vlora

Gjykata e Vlorës ka shpallur të pafajshme 82-vjeçaren Lefkotheia Karasa. Gjithashtu, çështja ndaj të moshuarës nga Narta e Vlorës është pushuar.

Ajo nisi karvanin e gjyqeve pasi koteci i pulave që po rindërtonte është konsideruar ndërtim pa leje nga prokuroria. Lajmin për pafajësinë e saj e ka konfirmuar avokati i 82-vjeçares.

Lefkotheia Karasa jeton e vetme në një shtëpi dykatëshe në Nartë të Vlorës, ndërsa djemtë i kishte në emigracion. Rasti i shoqërimit të 82-vjeçares në komisariat për ndërtim pa leje, u bë publik disa muaj më parë, rast ky, i cili preku shumë shqiptarë.