Një qytetar nga Tropoha është vënë në pranga pasi kishte nisur ndërtimin e një shtëpie në zonën e mbrojtur në Valbonë.Ndonëse shtëpia ishte në ndërtim e sipër, i arrestuari nuk posedonte asnjë dokument që e lejonte atë të kryente punime në atë zonë.
Arrestimi i shtetasit R.H u bë në kuadër të punës për parandalimin, evidentimin dhe ndëshkimin e ndërtimeve pa leje, veçanërisht brenda vijës së verdhë në zonat urbane dhe ato të mbrojtura.
“Shërbimet e Komisariatit të Policisë Tropojë, arrestuan në flagrancë për veprën penale “Ndërtimi i paligjshëm”, shtetasin R. H., banues në Valbonë. Ky shtetas po ndërtonte një objekt pa leje, në fshatin Valbonë, e cila është zonë e mbrojtur”, njofton policia.
Materialet i kaluan Prokurorisë së Rrethit Gjyqësor Tropojë, për veprën penale “Ndërtim i paligjshëm”.
Discussion about this post