Në Vlorë sektori i ndërtimit është në një krizë për fuqi punëtore. Sipas ndërtuesve atje, zona po përballet me një ikje masive të punëtorëve dhe specialistëve, ndërsa shpresojnë që mungesat në treg do t’i plotësojnë me punëtorë nga vende të tjera.
Krahas shumë sektorëve të tjerë që kanë mbetur pa punonjës, duket se edhe sektori i ndërtimit po vuan për krah pune.
Kreu i Dhomës së Tregtisë dhe Indrustrisë, Arben Breshani në Vlorë, thotë se një ndër shkaqet kryesore është emigrimi.
“Shumë ish-specialistë elektiçistë, hidraulikë nuk janë më në qytet pasi kanë marrë rrugën e emigracionit, kjo është një shenjë jo e mirë për këtë sektor,” tha ai.
Ky sektor po kthen sytë nga vendet e huaja që mund të furnizojnë Shqipërinë me punonjës.
“Mendojmë që në të ardhmen të vijnë punëtor nga vendet e tjera për këtë sektor. E njëjta situat, si u punësuan me sekrorin e Turizmit, që u punësuan nga Bangladeshi, Filipinet dhe nga vende të tjera,” shtoi ai.
Nga ana tjetër krahas krizës ekonomike, rritjes së çmimeve të lëndëve të para dhe mungesës së fuqisë punëtore, çmimet në industrinë e ndërtimit janë rritur ndjeshëm.
Discussion about this post