Jemi mësuar që nga komunikimet me mediat të Jose Mourinhos të dëgjojmë perla nga më të ndryshmet.
Së fundmi për DAZN portugezi e ka cilësuar fitoren e skuadrës së tij ndaj Sassuolos si më të veçantën për të, pasi ishte takimi i 1000-të, ndërsa ka theksuar se ka qenë i tmerruar vetëm duke e menduar se mund ta humbiste këtë sfidë.
“Unë kam qenë një gënjeshtar gjatë javës. U thashë të gjithëve se kjo nuk ishte një ndeshje e veçantë dhe gjithashtu u përpoqa të bindja edhe veten. Në realitet, kjo ishte një lojë e veçantë dhe unë do të kujtoj deri në ditën e fundit të jetës sime, se kjo ishte gara me numrin 1000. Isha i tmerruar të lidhja një kujtim me një humbje dhe kjo ishte arsyeja pse gënjeva.
Ishte një sfidë që mund të kishte përfunduar edhe 7-7. Edhe ata mund të kishin fituar, por 2-1 fituam ne. Vrapimi im në golin e El Shaarawy, ishte gara e një fëmije që ëndërron të bëjë një karrierë. I kërkova falje Dionisit, nëse do të kishin fituar, askush nuk mund të kishte thënë asgjë”.-u shpreh tekniku.
Ky rezultat shënoi edhe një tjetër rekord për portugezin, pasi ishte hera e parë që fiton pesë takime resht në një kampionat.
“Nuk e di. Nuk i ndjek numrat, më thanë disa ndeshje më pare, se isha afër numrit 1000. Jam i kënaqur me tre pikët dhe mentalitetin që treguam.
Nuk mund ta harroj Dionisin, është një trajner i mirë që ka një ekip shumë të mirë. Mentaliteti është po ai i De Zerbi, por ai po punon mirë. Sassuolo është një ekip shumë i mirë dhe për këtë arsye, tre pikët tona janë të rëndësishme. Dikush ka vendosur, që unë nuk duhet të kisha një kujtim negative nga kjo ndeshje”.-deklaroi Mourinho. /Gijotina.com
