Liverpool ka humbur në ndeshjen e mbrëmjes së sotme ndaj Leicester City me rezultat minimal, duke i bërë kështu një nder Manchester City-t në rrugën për titull.
Të besuarit e Jurgen Klopp shpërdoruan mundësinë e tyre për të kaluar në avantazh kur Mo Salah humbi një penallti në minutën e 15-të. Schmeichel arriti ta priste gjuajtjen e egjiptianit, por sulmuesi rrezikoi sërish me kokë duke goditur vetëm traversën.
Ndryshe nga Liverpool, Leicester nuk shpërdoroi dhe shënoi golin e vetëm të takimit me Lookman në minutë e 59-të.
Me këtë humbje, Liverpool renditet në vendin e dytë të premier League me 41 pikë, 6 më pak se Manchester City i vendit të parë. Leicester renditet në vendin e nëntë me 25 pikë dhe me një ndeshje më pak.
Humbja e Liverpool vjen pasi edhe në ndeshjen ndaj Tottenham nuk arriti dot të siguronte tre pikët, duke u ndalur te barazimi 2-2
Discussion about this post