Kombëtarja shqiptare ka zbarkuar në Abu dabi dhe ditën e sotme ka zhvilluar edhe stërvitjen e fundit në prag të miqësores me Arabinë Saudite, që do të luhet ditën e nesërme duke nisur nga ora 16:00, ndërsa nuk do të mund ta ndjekim në asnjë TV, pasi është një kusht i vendosur nga kombëtarja pritëse si pasojë se kundërshtari merr pjesë në Botëror dhe nuk kërkon të zbulohet.
Nga stërvitjet e fundit, nuk është kuptuar formacioni titullar më të cilin do ta nisë Edy Reja këtë sfidë. Kjo edhe për faktin se trajneri i Kombëtares 5 lojtarë i ka pasur vetëm një seancë. Toli, Mitaj, Balaj, Kastrati dhe Selmani janë bashkuar vetëm mbrëmjen e së hënës.
Nuk dihet nëse Reja do i besojë kasës së vjetër në fillim, si Mitaj, Balaj e Cikalleshi, apo do ta nisë me futbollistët e kampionatit shqiptar. Mendohet që në portë të jetë Elhan Kastrati, që po luan rregullisht, ndërkohë në mbrojtje parashikohet të jenë Gurishta, Bitri, Janku, Turkaj dhe Mitaj ose Esin Hakaj i Vllaznisë.
Në mesfushë duke iu referuar lojtarëve që janë në grumbullim, mund të kemi Kallakun, Tolin, dhe Rrapajn ose Deliun. Sulmi mund të formohet nga Cikalleshi dhe Balaj dhe minuta padyshim që mund të marrin edhe Xhixha me Skukën. Kjo miqësore do të jetë një shans për lojtarët e Superligës për të qenë në vëmendje për të ardhmen.
Discussion about this post