Ditën e dielë në orën 19:45 Partizani do të presë në ‘Elbasan Arena’ skuadrën e Vllaznisë në ndeshjen e vlefshme për javën e tretë të Abissnet Superiore.
Në një postim në rrjetet sociale klubi i ‘Të kuqve’ të kryeqytetit ka bërë publike çmimet e biletave për këtë ndeshje.
“Biletat në Tribunat: A dhe B do të kushtojnë 1000 Lek (të reja). Biletat në Tribunat: C3, D, E, F dhe G3 do të kushtojnë 300 Lek (të reja). Tribuna qendrore: A3, A4, B3, B4, B5, dhe sektorët e tribunave C3, D, E dhe F do të jenë në dispozicion të tifozerisë së kuqe. Tribunat qendrore: A1, A2, B1, B2 dhe tribuna G3 do të jenë sektorët e rezervuar për tifozerinë mike nga Shkodra.”- shkruhet në faqen e Partizanit.
Ndërsa më tej bëhem me dije se këto bileta mund të blihen te pika e shitjes pranë stadiumit ‘Selman Stërmasi’ dhe ditën e dielë edhe te stadiumi ‘Elbasan Arena’.
“Biletat mund t’i siguroni duke filluar nga sot pranë pikës së shitjes në stadiumin “Selman Stërmasi” në Tiranë, ndërsa të dielën biletat mund t’i gjeni edhe në sportelin pranë stadiumit “Elbasan Arena” në Elbasan.”-njofton Partizani.
Rkujtojmë se në dy javët e para Vllaznia ka marrë një fitore dhe një barazim dhe mban vendin e dytë të Superligës, nga ana tjetër Partizani ka regjistruar një humbje dhe një barazim duke u renditur në vend të gjashtë./K.T/Gijotina.com
