Skuadra e Empolit do të ndeshet sonte në orën 20:45 me Genoan për raundin e12 të Seria A. Ekipi ku aktivizohen tre lojtarë me origjinë shqiptare vjen në këtë përballje pas fitores me rezultatin 1-2 në transfertë ndaj Sassuolos.
E teksa për javë me radhë ylli i Kombëtares ‘Kuqezi’ Nedim Bajrami dhe ai i përfaqësueses ‘Dardane’ Ardian Ismajli kanë luajtur shpesh si titullar, në takimin e fundit ata u lanë jashtë të dy. Ndërsa minuta iu besuan vetëm mesfushorit të U-21 ‘Shpresave’, Kristjan Asllanit, i cili u fut në lojë në minutën e 80-ë.
Ndërkohë ende nuk dihet nëse ndonjëri prej tyre do luajë mbrëmjen e sotme, teksa duhet rikujtuar se Nedim Bajrami ka qenë për disa javë në fillim të këtij sezoni një prej lojtarëve më të mirë të Seria A, pra me shumë mundësi vetëm ai mund të marrë një vend midis titullarëve.
Në këtë sfidë Empoli vjen me 15 pikë dhe renditet në vendin e 11, me Genoan që qëndron në vend të 17 me 8 pikë./K.T/Gijotina.com
Discussion about this post