Ndeshja kundër Dinamo Batumi, Tirana nxjerr në shitje biletat

Tirana do të luajë kundër Dinamo Batum, ndeshje e vlefshme për turin e parë të Conference League.

Kjo sfidë pritet me mjaft interes nga gjithë sportdashësit. Ndërkohë klubi i Tiranës ka bërë me dije se nesër do të dalin në treg biletat.

Prej orës 10:00 të së shtunës, të gjithë do të kenë mundësi të pajisen me to për të qenë të pranishëm në datën 13 korrik, në orën 20:00 në stadiumin “Air Albania” në kryeqytet.

Tirana ka qenë mjaft aktive në këtë merkato vere duke arritur të afrojë futbollistë cilësorë.

Pritet me interes të shihet se si do të jetë performanca e bardhebluve në Kupat e Europës ky synimi i vetëm është kalimi i tureve.