Një mbrëmje për t’u harruar dhe një klimë e keqe. Ndeshja e Europa League luajtur nga Lazio në Roterdam ndaj Feyenoord – përveç rezultatit negativ – pati edhe sjellje barbare dhe josportive nga ana e tifozëve vendas. Në fund të ndeshjes, trajneri i Lazios, Maurizio Sarri, kritikoi veprimet e arbitrit, i cili sipas trajnerit injoroi dy ndërhyrje të parregullta kur holandezët shënuan një gol që vendosi ndeshjen.
Por konferenca për shtyp pas ndeshjes zbuloi edhe një episod fatkeq. Rreth minutës së 33′ të pjesës së dytë, nga tribuna do të hidhej një qese e mbushur me urinë. Fjalët e trajnerit të Lazios dëshmojnë edhe pamjet e marra në stadiumin holandez.
“Nuk luhet një ndeshje në një atmosferë të tillë, por aq më tepër kur në disa raste, mbi pankinën tonë hidhen qese të mbushura me urine. Kjo ishte diçka e pështirë për t’u pranuar’, përfundoi Sarri.
Discussion about this post