Titullari i Tiranës Vesel Limaj ka dalë në konferencë për mediat në prag të ndeshjes me Kastriotin, që do të luhet ditën e shtunë në orën 13:45.
Mesfushori ka vlerësuar kundërshtarin duke thënë se çdo ndeshje ndaj Kastriotit është e vështirë, ndërsa ka shtuar merakun e tij për gjendjen e fushës.
“Çdo ndeshje ndaj Kastriotit në transfertë është e vështirë. Është një ekip që luan fort dhe e dimë se çfarë na pret nesër. Shpresoj që të jetë një fushë e mirë sepse jemi një ekip që luajmë topin dhe nuk shoh problem për ne.”-tha Limaj.
Më tej ai ka shtuar se të gjitha skuadrat e Superligës janë të mira, teksa theksoi se Tirana është më shumë sesa thjeshtë e përgatitur për ndeshjen që do luajë në Krujë ditën e shtunë.
“Nuk ka ekipe të lehta në këtë kampionat, jemi maksimalisht të përgatitur edhe për nesër.”-theksoi lojtari./K.T/Gijotina.com
