Ndeshja me Kroacinë, Asani: Japim shpirtin në Hamburg

Jasir Asani, sulmuesi i Shqipërisë, foli për mediat kosovare, pas humbjes 2-1 me Italinë në Europian. Asani u shpreh se ekipi duhet të hedhë pas krahëve humbjen me axurrët dhe të fokusohet te Kroacia.

“Të gjithë e njohin Italinë, ata janë shumë të fortë. Ata e patën të vështirë të fitojnë kundër nesh.Ne do të përgatitemi për ndeshjen e radhës. Unë mendoj se kemi  tifozërinë më të mirë në botë dhe do të japim maksimumin për t’i bërë të lumtur ata.

Duhet t’i gëzojmë tifozët. Ndeshja ndaj Kroacisë në Hamburg? Futemi në fushë për fitore. Ne do të analizojmë kundërshtarin. Kemi disa ditë kohë” – tha Asani për Euro Dueli në RTV Dukagjini.