Trajneri i Milan është prononcuar së fundmi për ndeshjen e Champions League kundër Liverpool. Ndërsa është shprehur se nuk e dinte që kjo ishte hera e parë që kuqezinjtë e Italisë udhëtojnë drejt stadiumit të ‘Anfield’, theksoi ndër të tjera që shanset për të fituar nuk janë të vogla.
“Nuk e dija që Milani nuk kishte luajtur kurrë kundër Liverpool në Angli. Mendoj se do të jetë një ndeshje e bukur dhe ne do të përpiqemi të japim më të mirën sepse bëhet fjalë për një stadium madhështor. Vjet luajtëm kundër Manchester United dhe më pëlqeu shumë ai stadium. Në Champions do të jetë e vështirë, por ne kemi shanse të mëdha dhe duhet të ruajmë entuziazmin pas rikthimit në këtë kompeticion”,- u shpreh tekniku italian.
Më tej, teksa po fliste për Ibrahimovic dhe talentin e ri të klubit Giroud, ai theksoi se janë dyshja perfekte e sulmit të një skuadre.
“Ibra dhe Giroud janë dy lojtarë të mëdhenj. Olivier na lejon të kemi më shumë thellësi në sulm dhe një tepër prezencë në luftën në ajër, ndërsa Zlatan është një regjisor i avancuar tashmë që i pëlqen të prekë sa më shumë topa dhe nuk ka shumë dëshirë të qëndrojë vetëm në zonë. Besoj se kur të jenë të dy në formë të mirë mund të luajnë së bashku. Më vjen keq që kjo nuk ka ndodhur deri tani, por mund të ndodhë së shpejti”,-tha ndër të tjera trajneri i Milan./Gijotina.com
