Ora 16:45 e kësaj të shtune në ‘Loro Boriçi’ do të sjellë ndeshjen e ‘kulturave’ mes Vllanzisë dhe Skënderbeut.
Takimi mes tyre është i vlefshëm për javën e 13 të Superligës, ndërsa të dyja skuadrat vijnë pas fitoreve, shkodranët ndaj Partizanit me rezultatin 1-0, ndërsa korçarët ndaj Egnatias me shifrat 2-0.
Duke folur në konferencën për mediat në prag të këtij takimi, trajneri i Skënderbeut, Migen Memelli theksoi se ekipi i tij do japë maksimumin si në çdo ndeshje tjetër.
“Çdo ndeshje ka planin e saj. Do përgatitemi për një plan vetëm të detajuar në Shkodër sepse Vllaznia është një skuadër pretendente, por gjithsesi jam i bindur se sikur në çdo ndeshje tjetër edhe atje do të bëjmë një paraqitje të jashtëzakonshme. Faktori fushë në futboll tani nuk ndikon shumë, por ne do të bëjmë mirë, është një terren i mirë dhe do të shkojmë më mendimin që performanca të mos bjerë nga ndeshjet e fundit që do të thotë që do bëjmë maksimumin dhe për të marrë pikët e plota në Shkodër. Ne guxojmë në çdo fushë të Shqipërisë për të marrë maksimumin, pavarësisht kush është kundërshtari, ne do guxojmë sepse kemi harmoninë e mirë në skuadër, kemi cilësi dhe nga këto gjëra ne kemi besim si staf”, -theksoi Memelli./K.T/Gijotina.com
Discussion about this post