Boksieri shqiptar Florian Marku ka zbuluar emrin e kundërshtarit që do ketë në ndeshjen për mbrojtjen e titullit kampion bote.
Në një postim në rrjetet sociale Marku ka konfirmuar se me 20 nëntor do të përballet në Londër me 33-vjeçarin francez Jorick Luisetto në arenën sportive ‘SSE Arena’.
Ky duel është shumë i rëndësishëm, pasi shqiptari duhet të mbrojë titullin kampion bote në kategorinë IBF International në peshën ‘welter’. Këtë titull boksieri shqiptar e fitoi para dy muajsh dhe kjo është hera e parë që ndeshet për mbrojtjen e tij./K.T/Gijotina.com
