Skuadrat e Teutës do të presë sot në ‘Niko Dovana’ ekipin e Inter Escalades në ndeshjen e turit të dytë të Conference League.
Kjo ndeshje është shumë e rëndësishme për ‘Djemtë e Detit’, por duket se kjo sfidë nuk ka për të qenë aspak e thjeshtë.
Durrsakët do vijnë në këtë takim me një mungesë shumë të rëndësishme siç është ajo e Lorenço Vila.
Ai pësoi një dëmtim të rëndë në kavilje dhe për 1 muaj do i duhet të qëndrojë jashtë fushave. Gjithsesi tekniku Edi Martini ka alternativa të tjera për të vendosur për titullarët që do të zbresin në fushë.
Sfida Teuta-Inter Escalades do të luhet sot në orën 19:00 në ‘Niko Dovana’ dhe stadium do jetë i hapur për tifozët, ndërsa çmimi i biletave është goxha i arsyeshëm vetëm 500 lekë të reja./Gijotina.com
