Sfida në “Air Albania” mes Tiranës dhe Zrinjskit, ka përfunduar në përplasje me armë dhe jashtë stadiumit është krijuar kaos. Shkak është bërë një tension i krijuar pas takimit jashtë stadiumit, me protagonist tifozët boshnjakë. Raportohet se këta të fundit janë përleshur me policinë, duke krijuar kështu një situatë të pakëndshme.
Përplasja ka ardhur pas përfundimit të ndeshjes ku Tirana u mposht me shifrat 1 me 0 nga skuadra boshnjake. Në stadium kanë qenë rreth 100 tifozë të skuadrës boshnjake dhe menjëherë pas daljes nga “Air Albania” janë përplasur me tifozët kryeqytetas. Policia ka kryer disa shoqërime për përplasjen e ndodhur ndërsa në vendngjarje dallohen edhe njolla gjaku.
Kampionët boshnjakë fituan me rezultatin 0-1 ndaj Tiranës, rezultat që ka acaruar shumë bardh e blutë.Mësohet se policia ka përdorur gaz lotsjellës për të shpërndarë protestuesit, pasi është krijuar një kaos i vërtetë.
Discussion about this post