Teuta është nisur mëngjesin e sotëm në drejtim të Irlandës, më saktë për në Dublin, ku do të zhvillojë ndeshje në transfertë për turin e tretë të Conference League.
Kampionët e Shqipërisë do të ndeshen me Kampionët e Irlandës, Shamrock Rovers nesër në orën 21:00.
Kjo ndeshje pritet të jetë shumë e vështirë për ekipin shqiptar, megjithatë ‘Djemtë e Detit’ dinë të surprizojnë ashtu siç bënë me përmbysjen spektakolare të rezultatit në ndeshjen e kthimit me Inter Escaldes.
Klubi durrsak është nisur me charter nga aeroporti “Nënë Tereza”, në ‘luftën’ oër të hyrë në histori.
Rikujtojmë që në takimin e ditës së nesërme trajneri Edi Martini nuk do ketë Lorenco Vilan, i cili vuan nga një dëmtim dhe Albano Aleksin që nuk mund të luajë për shkak të kartonave të verdhë.
Ndërsa pas një jave do të luhet në “Elbasan Arena” ndeshja e kthimit që do vendos në mënyrë përfundimtare skuadrën që kalon në fazën e Play-off./Gijotina.com
