Ndeshja e sotme përballë Hungarisë, është një test jetik për kombëtaren shqiptare, pasi ndeshja duhet fituar me çdo kusht për të mbajtur të ndezur shpresën për kualifikueset e botërorit “Katar2022”.
Edy Reja dhe të besuarit e tij janë përpara një prove shumë të madhe që mund të ketë ndikim për të tashmen dhe të ardhmen e projektit kuqezi. Në stadium këtë të diele rikthen tifozët për të shijuar dhe mbështetur live përfaqësuesen që aq shumë duan.
Tifozëve u ka bërë thirrje për të qenë prezent në stadium edhe Federata Shqiptare e Futbullit me anë të një postimi në facebook, për të mbështetur ekipin kuqezi. Më shumë se kurrë kërkohet mbështetja e tifozëve për të qenë në krahë të Kombëtares, për të shtyre kuqezinjtë drejtë një suksesi të mundshëm.
“Elbasan Arena” ofron të gjithë kushtet anti-Covid për të bërë të mundur garancinë të gjithë tifozëve. Deri më tani janë shitur afro 3 mijë bileta ndërsa shitja e tyre vijon në të gjithë sportelet, Tiranë dhe Elbasan për të bërë të mundur që stadiumi të jetë në kapacitetin maksimal, aq as lejohet, 30% i tij.
