Ndezi zjarr në stanin e tij dhe dogji një sipërfaqe publike, arrestohet 67-vjeçari në Cërrik

Një 67-vjeçar ka rënë në prangat e policisë së Cërrikut për zjarrvënie.

Sipas Policisë ai ndezi zjarr në fshatin Kamunah dhe për pasojë u dogj një sipërfaqe toke me barishte dhe me shkurre.

“Si rezultat i hetimeve dhe veprimeve operacionale, të kryera me qëllim identifikimin dhe nxjerrjen përpara përgjegjësisë penale, të autorëve të zjarrvënieve të qëllimshme apo nga pakujdesia, Komisariati i Policisë Cërrik arrestoi shtetasin N. M., 67 vjeç, banues në fshatin Mollas. 67-vjeçari dyshohet se ka ndezur zjarr pranë stanit të tij, në fshatin Kamunah, bashkia Mollas, dhe si pasojë e përhapjes së flakëve, është djegur një sipërfaqe toke me barishte dhe me shkurre (pronë publike)”, njoftoi policia.