Policia njofton se në Mat u procedua penalisht shtetasi Rexhep Neli, për veprën penale “Shkatërrimi i pronës me zjarr”.
NJOFTIMI
Ndezi zjarr në fshatin Kongrazhd, për të pastruar kullotën e tij dhe si pasojë u dogjën 2 ha tokë, procedohet penalisht 68-vjeçari.
Ky shtetas, më datë 13.08.2024, ka ndezur zjarr me qëllim pastrimin e barërave në kullotën e tij, e si pasojë e erës, zjarri ka dalë nga kontrolli dhe ka djegur një sipërfaqe toke prej 2 hektarësh me bimësi.
Materialet procedurale i kaluan Prokurorisë, për veprën penale “Shkatërrimi i pronës me zjarr”.
Drejtoria Vendore e Policisë Dibër apelon, për të gjithë banorët dhe veçanërisht për ata që kanë në përdorim sipërfaqe kullosore, që në asnjë rast të mos shkaktojnë zjarrvënie, pasi do të përballen me ligjin.
Policia fton qytetarët që të denoncojnë në numrin 112 për çdo rast të zjarrvënies apo të paligjshmërisë në tërësi, duke iu garantuar anonimat dhe reagim të shpejtë.
gijotina.com/
Discussion about this post