Një e mitur 12 vjeçare, identiteti i të cilës është mbajtur anonim për arsye sigurie, ka denoncuar për dhunë nënën e saj. Ajo ka treguar se nëna kishte ushtruar dhunë mbi të në moshën 8 vjeçare.
Ky rast është publikuar nga Fax News, ku ndër të tjerash e mitura ka treguar se prej 4 vitesh, ka zhvilluar mësimin në mënyrë online për shkak se i kërcënohej siguria nëse do të paraqitej në shkollë. Tashmë kjo e drejtë i është mohuar nga ministria e arsimit pa asnjë shkak dhe 12 vjeçarja shprehet se ndihej e kërcënuar nga e ëma e saj prandaj nuk mund të shkonte në shkollë fizikisht.
Pyetje: Pse nuk je në shkollë?
Për shkak të një divorci të vështirë të prindërve të mi e kam bërë mësimin online por së fundmi ma kanë hequr këtë të drejtë pa asnjë të drejtë.
Pyetje: 4 vite pa shkuar fizikisht në shkollë, ky përjashtim ka ndodhur vetëm për ty?
Ka qenë vetëm për mua. Më vinte mësuesja kujdestare në shtëpi dhe më jepte lëndët. Më pas ishte edhe mësimi online për shkak të pandemisë. Edhe kur ishte klsa me turne mua ma hapnin mësimin dhe e ndiqja online bashkë me klasën.
Pyetje: Arsyeja pse duhet ta bësh mësimin online?
Më cënohej siguria ime nëse shkoja në shkollë. Mamaja ime mund të më marrë mua me forcë , mund të marrë një polic i cili të thotë ndaj babait lëre vajzën sepse mamaja ka vendimin. Gjithashtu mamaja ime ka bërë një deklaratë fallco sepse nuk është bërë tek noteri ku ajo fakton se
Kur kam qenë në klasë të tretë nuk vajta në shkollë dhe mamaja ime kishte shkuar atje dhe kishte bërë një potere të madhe duke kërkuar të më marrë mua.
6 qershor 2021 më ka kërcënuar tek dera e shtëpisë se do më sillte policinë dhe mediat.
Mund të më marrë mua dhe të më dhunojë sërish. Jo vetëm ajo por edhe familjarët e saj. Do të më ndajë nga babai im që është personi që dua më shumë në këtë botë. Mamaja kishte ngritur akuza fallco për rrëmbim fëmije në momentin kur unë zgjodha të rrija me babin. Ajo kërkonte të më merrte jashtë shtetit ku kishte gjetur një person tjetër i cili po ashtu ishte i divorcuar. Për herë të fundit më dhunuan në ditëlindjen time ku pata ftuar edhe një shoqen time. Në këtë rast u bë shkaktar daja im për këtë situatë ku unë u dhunova duke u mbyllur në dhomë.
I thoja babit të më ndihmonte sepse mamaja ime donte të më merrte jashtë shtetit për të kërkuar azil atje. Dëshirën time ja kam thënë shumë herë mamit tim, i thoja se nuk doja të rrija me të por me babin. Ajo bënte edhe skena të ndryshme me qëllim që të më prekte mua emocionalisht. Kam katër vite pa e takuar por kam folur për herë të fundit në qershor të 2021 kur erdhi tek dera për të folur. Nuk dua ta shikoj atë sepse më ka shkaktuar një dhimbje shumë të madhe.
Mua më kanë thënë vetëm se ti je rritur do ta heqim të drejtën për t’u arsimuar online siç kam bërë deri më tani. Unë i kam shkruar ministres Kushi por ajo nuk më ka kthyer asnjë përgjigjie. Gjithashtu kam shkruajtur ndaj ministrit të Drejtësisë i cili më tha se nuk kishte qenë në dijeni për këtë situatë.
Discussion about this post