Avokatja e Popullit, Erinda Ballanca ka qenë e pranishme në mbledhjen e Komisionit për Veprimtarinë Prodhuese, ku ka kritikuar qeverinë për ndihmën ekonomike që iu ofron shtresave në nevojë.
Sipas Ballancës, nga një përllogaritje e bërë, rezulton se nevojat minimale financiare për një person kapin një kosto prej 18 mijë lekësh, ndërsa niveli i ndihmës ekonomike rezulton disa herë më i vogël. Aktualisht ndihma ekonomike është në vlerën 5,500 lekë ndërsa për vitin e ardhshëm parashikohet të arrijë në 7500 lekë.
Një tjetër shqetësim i ngritur nga avokatja e popullit është edhe mbështetja e ulët financiare për qytetarët e prekur me Covid-19. Shoqëria civile ka kërkuar që buxheti i vitit të ardhshëm t’i kushtojë më shumë financime shtresave në nevojë pasi në vend po njeh një rritje të ndjeshme varfëria.
Edhe më herët, Ballanca ka pasur disa kërkesa për institucionin që ajo drejton, lidhur me zgjerimin e stafit apo pajisjen me mjete të reja.
Discussion about this post