Nga të dhënat zyrtare të Drejtorisë së Përgjithshme të Taksave dhe Tarifave Vendore, shërbimet ku përfshihen baret, restorantet, hoteleria, fastfoode-t, shërbimet e dërgesave, etj. mbajnë rekordin e bizneseve të reja kryesore të hapura në periudhën Janar-Qershor 2021, në raport me të njëjtën periudhë në 5 vitet e fundit. Ndërkohë nga ana tjetër, më së shumti gjatë kësaj periudhe janë mbyllur subjekte të shitjes me pakicë, gjithsej 521 të tilla në 6 muaj.
Ndërkaq, në total në periudhën Janar-Qershor 2021 janë hapur 4787 biznese të reja kryesore dhe sekondare si dhe janë mbyllur 1661 të tjera, duke bërë që numri neto i subjekteve të reja që i janë shtuar kryeqytetit në 6 muaj të jetë 3126 subjekte. Dhe duket se situata ka ndikuar në biznesin e kryeqytetit, pasi nëse më parë prevalonte më shumë hapja e bizneseve të reja të pakicës, tashmë ky orientim ka ndryshuar.
Janar-Qershor Biznese të reja
2017 1209 biznese
2018 1428 biznese
2019 1726 biznese
2020 1467 biznese
2021 2034 biznese
