Mario Balotelli është i njohur për sjellje shpesh herë të dhunshme në momente shpërthimi. Së fundmi ka qenë Simon Skrabb, ish-shoku i skuadrës së tij te Brescia që ka zbuluar të tjera bëma të Balotellit.
“Balotelli? Ishte një tip pak i çuditshëm. Te Brescia askush nuk fliste anglisht dhe hera e parë që kisha Mario Balotellin për përkthyes, mbaj mend që në fillim ishte e gjitha e pabesueshme. Kur mbërrita ishte një dimër i bukur, debutova kundër Milanit dhe u kualifikuam me Finlandën në Kampionatin Evropian. Më pas erdhi Covid dhe gjithçka ndryshoi”,- tha mesfushori finlandez, tashmë një lojtar i lirë, për Expressen.
Më tej ai shtoi se kishte raste kur Balotelli ndiqte njerëzit me çakmak dhe llak flokësh që tu vinte zjarrin.
“Menjëherë mendova se ai ishte një djalë i mirë. Në fillim ai ishte një lloj kapiteni për ekipin. Pastaj erdhi mbyllja dhe u zhduk paksa. Ishte pak i çuditshëm, ndiqte njerëzit me çakmak dhe llak flokësh për tu vënë zjarrin. Nuk e dije kurrë se çfarë do të shpikte”,-zbuloi Skrabb për Balotellin./K.T/Gijotina.com
Discussion about this post