Antipatia e ndjekësve, për Beatrix Ramosaj ka kaluar çdo pritshmëri, pasi artisja akuzohet se ndau çiftin Donald-Bora me hyrjen në shtëpinë e “Big Brother Vip”, një muaj më parë.
Pas reagimit nga familjarët e saj për ofendimet dhe komentet e pakëndëshme kundrejt saj, mbështetjen ndaj Beatrix e ka treguar edhe kushërira e saj Anxhelina Hadërgjonaj. Këngëtarja është kritikuar pasi një lidhje me Donaldin ndërkohë që ky i fundit kishte dhënë shpresa për një rikthim me Bora Zemanin.
“Shpirt i bardhë” ka shkruar Anxhelina krahas një fotoje të Trixës por është përballur me një koment të rëndë. “Në qoftë se është kaq e bardhë të shkojë në parajsë pra, meqë paska mbetur bardhësia tek ajo”. Kjo e ka nervozuar Anxhelinën, duke publikuar dhe bisedën.
“Sa pa punë duhet të jesh dhe sa jetë mizerabël duhet të kesh ti që i uron dikujt vdekjen. Njeri i shpifur, të pastë zoti në dorë”, ka shkruar Anxhelina.
Discussion about this post