Moderatorja e njohur për publikun Dojna Mema është tanimë në muajin e 6 të shtatzënisë. Ajo dhe partneri i saj Vlashent Sata do bëhen së shpejti prindër për herë të parë.
Që pasi ndau me ndjekësit lajmin e bukur Dojna Mema nuk ka ngurruar që të tregojë detaje për pritjen e ëmbël. Dyshja e famshme po e shijon në maksimum këtë periudhë të rëndësishme, duke ndarë momente të këndshme me ndjekësit e tyre në rrjete sociale. Si çdo vajzë që pret të bëhet nënë, dhe Dojnën e mundojnë shumë pyetje.
Një ndër to është edhe se si do të duket vogëlushi i saj, ku Dojna e ka ngritur këtë pyetje krahas një fotoje ku shihet me Vlashentin.
“Jam kurioze të di çfarë miksi mund të dalë mes këtyre të dyve”.
Nga ana tjetër, ndjekësit i vënë në pah se me siguri bebi do të ketë kaçurrela si Vlashenti dhe sytë e bukur si Dojna.
Kujtojmë se Dojna dhe partneri i saj Vlashenti kurorëzuan pak kohë më parë dashurinë e tyre me martesë në një celebrim tepër privat.
Dojna dha lajmin se është martuar me Vlashentin pasi ndau disa foto në llogarinë e saj në Instagram nga vendi ku kanë bërë celebrimin, duke treguar se kanë organizuar diçka shumë të thjeshtë dhe private, ndryshe nga dasmat madhështore që jemi mësuar t’i shikojmë çiftet e showbizit shqiptar.
View this post on Instagram
Discussion about this post