Temperaturat përvëluese kanë boshatisur disa qytete të vendit. Në Elbasan, sot më 4 korrik, temperaturat nga 37 gradë Celsius u ndjenë deri në 41 gradë.
Rrugët e qytetit pothuajse u boshatisën. Ato pak shatërvane ku dilte uji radha ishte e gjatë për tu freskuar.
Të moshuarit zgjodhën hijet e pemëve. “Po ndjekim hijet.”-thanë disa qytetarë.
Thonë se temperatura të tilla janë mjaft shqetësuese ndërsa në qytet mungon si uji ashtu dhe ambjentet e freskëta.
“Kjo e sivjetshmja është e tepërt, shumë e nxehtë. Dalim pak në mëngjes dhe pasdite.”- u shprehën disa banorë.
Nga ana tjetër rrezet ultrtaviolet të diellit prekën vlerat 9-10 që do të thotë rrezik shumë i lartë i dëmtimit nga ekspozimi i pambrojtur në diell dhe se qytetarët duhet të marrin masa paraprake shtesë sepse lëkura dhe sytë e pambrojtur mund të dëmtohen dhe mund të digjen shpejt.
Discussion about this post