Detaje të reja vijnë nga mega-operacioni antidrogë i Policisë së Shtetit, i cili po zhvillohet nga toka dhe ajri.
Mbi 200 persona janë ndaluar nga Policia e Tiranës në kuadër të një operacioni të zhvilluar, gjatë orëve të para të mëngjesit të sotëm.
Mësohet se këta persona janë ndaluar në kuadër të një operacioni antidrogë, ku sipas burimeve janë lëshuar në total qindra urdhër arreste.
Raportohet se arrestimet janë bërë me urdhër të prokurorive të disa rretheve si Tiranë, Durrës, Fier, Elbasan.
Dhjetëra të arrestuar në Vlorë, ende nuk ka informacion zyrtar, por burime të sigurta thonë se janë dhjetëra të arrestuar në qytet.
Aksioni është zhvilluar gjatë natës nga Policia e Vlorës, ndihmuar nga FNSH dhe strukturat e tjera policore.
Mes të arrestuarve edhe një polic. Efektivi Saimir Hysa është vënë në pranga nën akuzë për shpërdorim detyre e përkrahje e autorit të krimit.
Në pranga kanë rënë Glidi Ballolli, Frencesk Braho, Evis Duzha, Rapi Malaj, Saimir Rexhepi e Stiven Faqolli. Arrestimet në Elbasan, të ndaluarit nën akuzë për drogë, armë pa leje e trafik veprash arit.
Sot është shkatërruar një rrjet shpërndarësish droge me mbi 200 persona gjatë një operacioni antidrogë në Tiranë.
Operacioni është ende në vijim, ndërkohë që personat e përfshirë në këtë rrjet, shpërndanin kanabis, kokainë dhe heroinë.
Gjatë operacionit është konstatuar edhe një lloj droge e re e cila vinte nga jashtë, kryesisht me postë. Burimet thonë gjithashtu se janë kapur qindra doza kanabisi dhe janë sekuestruar shuma të mëdha parash. Në këtë veprimtari kriminale të shpërndarjes së lëndëve narkotike, mësohet se ka edhe vajza të përfshira.
Discussion about this post