Policia arriti të vintë në pranga një 30-vjeçar pasi e ndoqi për 30 kilometra.
30-vjeçari po udhëtonte pasditen e sotme drejt shtetit grek me makinë dhe në doganën e Qafë Botës iu kërkua të ndalonte për kontroll.I arrestuari nuk iu bind urdhërit të policisë, por , për arsye që nuk dihen, ai rriti shpejtësinë e makinës, theu traun e doganës dhe kaloi në territorin e vendit fqinj.
Ne tentativë për t’u larguar, drejtuesi shtetas shqiptar, ka përplasur një nga 6 mjetet e policisë, por fatmirësisht pa lënduar njeri.
Pas rezistencës së 30-vjeçarit, autoritetet u vunë në ndjekje sa i kane bllokuar rrugen brenda qytetit te Igumenices derisa arritën prangosjen e shqiptarit pas 30 kilometra ndjekjeje.
Pas kontrollit te mjetit nuk u gjet asgjë e dyshimtë ndërsa dyshohet se bëhet fjalë për një person me probleme psikologjike.
Kujtojmë se para dy vitesh katër policë të pikës kufitare të Qafë Botës u vunë në pranga pasi u akuzuan se ishin të përfshirë në falsifikime dokumentesh, kalim ilegal të shtetasve dhe automjeteve të ndryshme nga kjo pikë doganore.
