Policia e Pogradecit ka zhvilluar ditën e sotme një operacion që i ka ngjarë një skenë filmi, gjatë një ndjekje të një makine që transportonte emigrantë të paligjshëm nga Lindja e Mesme. Sipas bluve të Pogradecit, mjeti tip “Golf” të cilin po e ndiqnin i kishte ikur postobllokut në dalje të Pogradecit për në drejtim të Tiranës dhe mbante në bagazh 4 emigrantë.
Mësohet se ndjekja përfundoi në Piskupat për shkak të bllokimit të pjesshëm të këtij aksi rrugor ngaqë po përgatitej të zhvillohej “Kupa e Shqipërisë” në Çiklizëm.
Në momentin që i është afruar Policia, drejtuesi i mjetit e ka braktisur duke përfituar nga rrëmuja e krijuar, por arratisja i zgjati pak pasi u vu në pranga nga forcat blu.
Discussion about this post