Një histori pothuajse e pabesueshme u regjistrua në Indi, ku një mjek doli nga një operacion sepse ishte i zemëruar që nuk i shërbenin çaj. Sipas Sky News, kirurgu po operonte tetë anëtarë të së njëjtës familje – të gjitha gra – në një spital në qytetin qendror të Indisë Nagpur.
Sipas të njëjtit burim, kur mjeku përfundoi operacionin e katërt dhe filloi procesin e dhënies së anestezisë për pacientët e pestë, ai dyshohet se i kërkoi personelit të spitalit t’i sillte një filxhan çaj.
Mirëpo, kur kjo nuk ndodhi, mjeku i la pjesën tjetër të grave në sallën e operacionit, siç raporton NDTV indian. Nga ana e tij, kryetari i këshillit të qarkut Nagpur theksoi se ndaj mjekut duhet të ngrihen akuza.
“Ky është një incident shumë i rëndë. Nëse mjekët braktisin operacione të tilla kritike për një gotë çaj, ata duhet të akuzohen sipas nenit 304 të Kodit Penal Indian”, tha ai. Përfundimisht u soll një mjek tjetër për të përfunduar operacionet në gratë e mbetura që ishin tashmë nën anestezi.
Discussion about this post