Fier, dy vëllezër përleshen me njeri-tjetrin, në pranga njëri prej tyre

Një sherr mes dy personave ka ndodhur ditën e sotme në Fier. Burime nga policia bëjnë me dije se ata rezultojnë se janë vëllezër. Në pranga ka rënë një 41-vjeçar, pasi ka goditur me send të fortë vëllanë e tij. I arrestuari është identifikuar me inicialet Ll. M., banues në Grykë, Fier.

“Specialistët për Hetimin e Krimeve të Komisariatit të Policisë Fier arrestuan shtetasin Ll. M., 41 vjeç, banues në Grykë, Fier, pasi ka goditur me send të fortë, vëllanë e tij”, njofton policia.

Nuk dihen ende motivet e sherrit, ndërsa pritet të dalin detaje pas marrjes në pyetje të njërit prej vëllezërve të arrestuar.