Babai i Aldi Ramës ka braktisur veçanërisht sot dyert e burgut në Greqi, ku ndodhet i dënuar për një vrasje makabër atje, për të marrë pjesë në ceremoninë mortore të djalit të tij, autor i vrasjes së nënkomisarit Saimir Hoxha.
Bëhet me dije se ceremonia do të zhvillohet në orën 14:00 në qytetin e Durrësit, pasi aty banon dhe nëna e 21-vjeçarit.
Babai i 21-vjeçarit ka ardhur nga Greqia për të marrë pjesë në ceremoninë mortore të të birit. Rama u rrit nga gjyshërit e tij në Lezhë pasi dy prindërit e tij i kishte të divorcuar dhe kishin nisur jetë në vende të ndryshme.
Ai ka deklaruar në një intervistë se Aldi jetonte me pensionin e gjyshit dhe se së fundmi ishte shkëputur nga çdo familjar. Për të siguruar jetesën e tij, ka ndihmuar edhe vëllai i cili jetonte në Greqi.
“Kohët e fundit u shkëput nga çdo familjar. Aldi jetonte me pensionin e gjyshit. Nuk i kërkoja kurrë lekë fëmijëve, më duket se i keqtrajtoj. I mësoja si ta mbajë lekun. I ka dërguar vëllai sa ka pasur mundësi, e ka dashur shumë. Vëllai është në gjendje shumë të keqe sot. Jeton në Greqi. Kishte mbi 10 ditë që nuk komunikonte me të. Ka mundësi të nisem nesër në mëngjes nga ora 8:00, por nuk e kemi vendosur.
Kur më ka rënë brenda për herë të parë, thashë shyqyr zotit që nuk u bë gjë më e madhe se ishte fëmijë dhe bëra të pamundurën që të dalë djali”, ka treguar ai.
Ai “shfajëson” veprimtaritë kriminale të të birit, duke pretenduar se ai është thjeshtë një fëmijë që u arrestua për dy tre doza hashashi dhe se sipas tij, shkak ka qenë papunësia.
