Këngëtari i njohur shqiptar Gena ndodhet aktualisht në Turqi bashkë me të shoqen. Ai tregoi përjetimin nga shpërthimi i bombës dje në Stamboll. Nga ngjarja e rëndë ndërruan jetë 6 persona dhe u plagosën 80 të tjerë.
Ai është shprehur se ndodhet vetëm 1 kilometër larg vendit të ngjarjes dhe pasditen kur ndodhi shpërthimi kishin planifikuar që bashkë me bashkëshorten të dilnin shëtitje.
Lexo edhe: Shpërthimi në Stamboll, ja momenti i arrestimit të gruas së dyshuar si autore
“E kam një kilometër larg nga këtu dhe një ditë më përpara neve në mbrëmje kishim dalë me nusen për të bërë shopping. Dhe do të dilnim përsëri edhe dje, në të njëjtën orë, domethënë nga ora 4 kur ka ndodhur ajo. Shyqyr Zoti na ka adresuar diku tjetër.”, është shprehur ai.
Gena theksoi se shpërthimi ka shkaktuar mjaft frikë në zonën ku ndodhi ngjarja.
“Gjendja këtu nuk ndihet se ka një jetë normale, por ajo që ka ndodhur aty i përket asaj zone dhe jeta vazhdon si zakonisht si në çdo vend këtu”, deklaroi ai.
Discussion about this post