Reperi i njohur Feronit Shabani ose ndryshe i njohur si Fero është dënuar nga drejtësia kosovare me një muaj burg. Kjo pasi para disa ditësh ai sulmoi një person në makinë në qytetin e Gjilanit. Në rrjetet sociale u publikuan menjëherë pamjet e dhunshme dhe më pas policia ndërhyri duke arrestuar reperin.
Ditën e mërkurë ai doli para Gjykatës Themelore të Gjilanit” që vendosi ta lejë pas hekurave. Përmes një njoftimi për mediat, Gjykata Themelore në Gjilan njoftoi se reperi do të qëndrojë në paraburgim me kohëzgjatje një muaj, mbi akuzën e ngritur ‘Sulmi’.
Mirëpo gjatë kohës që ai gjendet në paraburgim një foto e tij është publikuar në llogarinë zyrtare të artistit. Nuk dihet ende se kur mund të jetë realizuar fotoja e reperit por në sektorin e komenteve kanë ‘shpërthyer’ reagime nga më të ndryshmet nga ndjekësit. Ndodh shpesh që profilet zyrtare të artistëve në rrjetet sociale të mirëmbahen nga menaxherët e tyre. Nuk dihet ende arsyeja e këtij postimi por fansat janë ende në pritje të një deklarate nga vetë reperi në lidhje me situatën ku ai ndodhet.
Discussion about this post