Talenti Andrea Ndoj, ka refuzuar Shqipërinë dhe ka vendosur të përfaqësojë kombëtaren e Greqisë në të ardhmen.
Ka qenë vetëm mesfushori i Olympiakos që ë ka bërë të ditur diçka të tillë, teksa e ka vënë në dijeni edhe FSHF-në.
19-vjeçari ka refuzuar ftesën e trajnerit Reja, për dy miqësoret që Shqipëria do të luajë me Italinë dhe Armeninë këtë muaj.
Ndoj ka bërë të ditur se dëshiron të luajë për Greqinë, ndërsa në reagimin e tij, është shprehur se futbollin e shikon si profesion dhe jo si luftë.
Deklarata
“Po, do të luaj për Greqinë, sepse këtu linda, këtu hodha hapat e para të futbollit dhe këtu kam shokët e mi, me të cilët shpresojmë të luajmë për përfaqësuesen e Greqisë. Shqipëria është vendi i prindërve të mi dhe si rrjedhojë unë e respektoj dhe e dua atë vend. Por futbollin unë e kuptoj ndryshe edhe e shikoj si profesion dhe jo si luftë”, tha Ndoj.
“Unë besoj se futbolli bashkon njerëz e lidh ura lidhëse edhe miqësi e jo ndarje. Prandaj unë, me sa mundem do të mundohem për këtë. Akuza ndaj federatës? Jo asnjëherë. Unë nuk kam folur asgjë, por edhe nuk mbaj përgjegjësi se çfarë shkruan njëri apo tjetri, pasi nuk kam edhe nuk kam pasur kohë për biseda të tilla”, shtoi.
Karriera
Kujtojmë se Ndoj me prindër shqiptarë, ka dalë nga akademia e Olympiakos, ndërsa ka luajtur me Shqipërinë U-16, Greqinë U-17, Greqinë U-19, Shqipërinë U-20 dhe së fundmi me Shqipërinë U-21, ndërsa tashmë pret ftesën e kombëtares A të Greqisë.
Discussion about this post