Nard Ndoka, kreu i PDK-së, e ka cilësuar si një ngjarje të rëndë, shfaqjen e Kryeministrit Edi Rama dhe kreut të Qeverisë së Kosovës, Albin Kurti, në tribuna të ndara, pa komunikim mes tyre, gjë që tregon se nuk e duan njëri-tjetrin, sjellje kjo që ka kosto të madhe te shqiptarët.
Rama e Kurti kanë ndjekur në “Air Albania” ndeshjen e kombëtares së Shqipërisë kundër asaj të Çekisë, por në tribuna të ndara.
Sipas Ndokës, kjo situatë ndodh për faj të Edi Ramës që ndryshe nga Kurti, është një lider i korruptuar dhe aventurier.
“Ky është një problem madhor që na shqetëson të gjithëve për fatin e keq, që politika për gjëra të rëndësishme kombëtare ka divergjenca dhe përplasja, dhe akoma më rëndë kur bëhet fjalë për mosmarrëveshje, shigjetime apo etiketime, siç ishte rasti i djeshëm i kryeministrit Edi Rama në Kuvend ditën e djeshme.
Dhe kjo demonstrohet në rastin e mbrëmshëm në stadium, duke e demonstruar që janë dy personazhe që nuk flasin me njëri-tjetrin, nuk e duan njëri-tjetrin, por harrojnë që kjo ka kosto të madhe tek shqiptarët.
Ardhja në stadium me djalin e Adem Jasharit ishte një mesazh që përcolli vetë Albin Kurti për paqe dhe vëllazëri, dhe se ne e kemi nevojën për mbështetjen tuaj, e gjen në fakt këtë mbështetje tek shqiptarët, por jo tek kryeministri Rama.
Ko është një dramë, kur e mendon që Albin Kurti e mbron territorin e Kosovës, ndërsa Edi Rama sillet si jeniçer i Vuçiçit, ashtu siç ishte deklarata e djeshme në Kuvend.
Albin Kurti dihet që është një lider nacionalist, i pakorruptueshëm, ndërsa Edi Rama përveç se është i korruptuar është edhe një lider aventurier”, u shpreh Nard Ndoka në studion e OraNeës.
Discussion about this post