Ndotja e mjedisit dhe djegia e mbeturinave është fenomen që përsëritet çdo ditë në vendin tonë dhe askush nuk merr masa. Por sot një shqetësim i tillë është ngritur nga banorët në qytetin e Elbasanit.
Mos pastrimi në mënyrë të rregullt i mbetjeve dhe mbushja përtej kapacitetit e kazanëve, ka bërë që në disa raste atyre t’u vihet zjarri, duke shkaktuar ndotje të ajrit, siç është vepruar në lagjen Shenkoll të qytetit. Të revoltuar për këtë situatë kanë kërkuar që mbeturinat të pastrohen rregullisht, si dhe të mos digjen më pa karar, pasi tymi po u futet banorëve në shtëpi. Madje ata akuzojnë qeverinë se çdo fushatë ju premton se do të rregullohet situata, por lagjja ndodhet në këtë gjendje prej vitesh.
“Mbeturinat këtu nuk hiqen kurrë, ky zanat është mot e jetë, zjarri vu, tymin brenda në shtëpi të familjeve, po na vrasin. Unë e kam shtëpinë këtu dhe mund të vini po të doni të shihni sesi është tymi brenda në shtëpi. Bashkia nuk çan kokë fare se a jeton njeri këtu apo jo. Qëkur u bënë zgjedhjet këtu nuk ka ardhur”, tha një banorë. Ndërsa qyteti i Elbasanit renditet si një nga vendet më të ndotura në Shqipëri edhe për shkak të punimeve pa kriter tek metarlugjiku.
Discussion about this post