Ndotja e lartë në Indi, mbyllen shkollat në Delhi

Krahas pandemisë, India po përballet me një tjetër problem madhor.
Në Delhi shkollat janë mbyllur për një javë për shkak të smogut. Vendimi është njoftuar nga kreu i qeverisë së shtetit indian Arvind Kejriwal.

Nivelet e ndotjes arritën në 437 në një shkallë prej 500, sipas Indeksit të Cilësisë së Ajrit. Shkollat në Delhi u rihapën në fillim të nëntorit pas mbylljes për shkak të pandemisë.
Për shkak të ajrit të ndotur, atje nuk do të hapen institucionet arsimore për shkak se rrezikohen fëmijët.

“Institucionet nuk do të hapen për të parandaluar rrezikun me të cilën mund të përballen fëmijët për shkak të ajrit të ndotur”, thuhet në njoftimin e bërë.