Kryebashkiaku i Lezhës, Pjerin Nderu, ka paraqitur sot një sërë kritikash për buxhetin e viti 2022 gjatë fjalës së tij në Komisionin e Ekonomisë. Mes kritikave, ai theksin e vuri te premtimet që qeveria ka thënë për bashkitë, madje duke i konsideruar të privilegjuar pasi iu jepet më shumo fond nga sa meritojnë, duke i dhënë kështu një përgjigje kryeministrit për kritikat e disa javëve më parë. Ai ka cekur të parën pikën më problematike të folur kohët e fundit, atë të menaxhimit të mbetjeve. Sipas Ndreut, qeveria nuk i ndihmoi as gjatë 2021 bashkitë për menaxhimin e mbetjeve sidomos gjatë sezonit të veror kur situata përkeqësohet, por as për 2022 nuk ka përcaktuar një fond të tillë.
“Menaxhimi i mbetjeve, ka dhe një problem që duhet zgjidhur në sezon turistik ka dhjetëfishim të kapaciteteve. Në gusht është 10 fish më shumë pjesëmarrja e na duhet të shtrëngohemi dhe ne të rikompensojmë ato, është një kosto e madhe. U tha që do ketë grante për bashkitë e bregdetit, stimul për bashkitë që kanë performancë të mirë”, u shpreh ai.
Sakaq, ai kundërshtoi faktin që buxheti, i cili i duhet bashkive kalon nga Ministria e cila vendos për mënyrën se si do i ndaj pasatja. I revoltuar Nderu tha se, në këto raste nuk ka si të ndërhyjë ministria, bashkitë kanë nevoje për fond më vete që ta menaxhojnë. “Granti për bashkitë bregdetare nuk reflektohet në buxhet, i ka shkuar ministrisë së Mjedisit që ti ndajë, ministrja vetë nuk ishte dakord me këtë. Duhet ti shkojë bashkive direkt, kjo vija që vjen nga lart poshtë buxheti nga ministria në bashki kur e ke rrugën drejt në bashki nuk hyn hiç ministria këtu, ministria bën mbikëqyrja por s’mund të kryejë rolin e transmetuesit më jep mua lekë se do ia çoj atij”, tha Nderu. Sakaq, ai tha se bashkia që ai drejton ka marrë fondin më të ulët dhe kjo nuk është e drejtë, duke qenë një zonë e cila mirëpret shumë turistë.
Discussion about this post