Olta Gixhari prej dy vitesh tashmë po jeton me partnerin dhe djalin e tyre Amar në Spanjë. Aktorja e ka treguar dhe më parë se arsyeja e zhvendosjes në Spanjë ishte partneri i saj të cilit identitetin nuk e ka zbuluar kurrë për publikun dhe pse është goxha aktive në rrjetet sociale dhe poston foto krahë tij.
Gjatë sezonit të pushimeve, Olta është rikthyer në Shqipëri dhe së fundmi ishte e ftuar në “Pushime on Top”, ku foli për vendet e shumta që ka vizituar dhe duke e veçuar Spanjën si destinacionin e saj të preferuar.
”Unë dhe partneri im nuk jemi tipa dhuratash me pako me fjongo. Pasioni jonë janë udhëtimet dhe restorantet. Dhe dhuratat më të mira të njëri-tjetrit janë restorantet. Kam zbuluar restorantin më të mirë të mishit hajde shkojmë ta vizitojmë”, – u shpreh aktorja.
Olta ka rrëfyer dhe detaje që nuk i kishte thënë asnjëherë për partnerin e saj duke zbuluar mes të tjerash se janë njohur në Madrid dhe se fillimisht mendonte se ai nuk do lidhej kurrë me të.
“Jemi njohur në Madrid dhe puthjen e parë e dhamë në Romë. Lidhja jonë ka ardhur në mënyrë natyrale dhe unë madje mendoja se ai nuk do lidhej kurrë me mua. Është kursimtar nuk bën dhurata të shtrenjta Quhet Dori dhe është nga Tirana, profesionin nuk do e them. Nuk më thërret kurrë në emër. Nëse më thotë Olta ka diçka që nuk shkon. Vetëm dy herë e kam dëgjuar nga goja e tij emrin tim dhe se si jam ndjerë. Më ka vënë një nickname(epitet) me përkëdheli të padëgjuar ndonjëherë. Unë i thërras Dori. Nuk bëhet xheloz, unë nuk e di se si është xhelozia në një lidhje.”- rrëfeu Olta në “W ake Up” në Top Channel disa kohë më parë.
Mes të tjerash ajo foli edhe për Amari duke thënë se është një fëmijë indiferent dhe i lidhur më shumë me të atin se me të.
“Amar është mix i joni, është natyrë indifrente. Unë shkoj në shtëpi dhe hap krahët ta përqafoj, ai del jashtë. Unë iki atij nuk i bën fare përshtypje. Është tipi im, është fëmijë i pavarur. E kam futur në kopsht shumë të vogël mendoj se kjo e ka bërë të pavarur. Unë jam mami posesive por e kam të brendshme, arrij ta kontrolloj se e di që është gabim. Amari është më shumë i dhënë pas të atit sesa pas meje. Nuk e kuptoj pse. Nuk e kam publikuar në rrjetet sociale me portret dhe nuk e di kur do e publikoj. Nuk e kam problem por nuk do bashkëshorti. Është fëmijë shumë i bukur, jo se e kam bërë unë.”- zbuloi aktorja.
Discussion about this post